गाउँपालिकाका ४० जना युवाले सिक्नुभयो जीवन उपयोगी सीप

प्रधानमन्त्री रोजगार कार्यक्रम अन्तर्गत आ.व. २०८१/८२ मा कालीगण्डकी गाउँपालिकाका ४० जना युवाहरुले जीवनउपयोगी सीपमूलक तालिममा सहभागी भई प्रमाणपत्र प्राप्त गर्नु भएको छ । तालिम चालु आ.व.का लागि दर्ता भएको सुचिकृत बेरोजगार नागरिकहरुका लागि लक्षित गरी सञ्चालन गरिएको हो । २०८१ फागुन २२ गतेबाट कालिगण्डकी क्याम्पस अर्चलेमा सुरु भएको पलम्बर तालिममा २० र इलेक्ट्रिसियन तालिममा २० जनालाई लक्षित गरी सञ्चालन भएको थियो । कार्यस्थलमा आधारित सीप विकास तालिम २४० घण्टा र जीवन उपयोगी सीप विकास तालिम ५० घण्टा गरि कुल २९० घण्टाको तालिम प्रदान गरिएको थियो । तालिमको समापन २०८१ वैशाख १८ गते मजदुर दिवसको अवसरमा गाउँपालिकाको सभाहलमा एक औपचारिक कार्यक्रम आयोजना गरी गरिएको थियो ।

समापन कार्यक्रममा गाउँपालिका अध्यक्ष खिम बहादुर थापा, उपाध्यक्ष साबित्रा कोइराला, वडा नं ४ का वडा अध्यक्ष यादव प्रसाद पाण्डेले मन्तव्य राख्नु भएको थियो भने तालिममा सहभागी हुनेहरु मध्येबाट सरिता न्यौपाने र मुक्त बहादुर रानाले आफ्नो अनुवभ साझा गर्नुभएको थियो । उक्त समापन कार्यक्रमको सञ्चालन रोजगार संयोजक भागिरथ अधिकारीले गर्नुभएको थियो ।