पशुपन्छी तथा कृषि क्षेत्रको विकासका लागि ८५ लाखको योजनामा हस्ताक्षर

कालीगण्डकी गाउँपालिका, हेफर प्रोजेक्ट र सामाजिक विकास श्रोत केन्द्र नेपालको त्रिपक्षीय साझेदारीमा कालीगण्डकी गाउँपालिकामा कृषि तथा पशु क्षेत्रको विकासका लागि विभिन्न कार्यक्रम सञ्चालन गर्ने उद्देश्यले आज गाउँपालिकाको कार्यालयमा सम्झौता पत्रमा हस्ताक्षर गरिएको छ । २७ महिनाको कार्यवधी सम्पन्न हुन लागेको हेफर प्रोजेक्ट सँग नयाँ मोडुयुलमा यो सम्झौता गरिएको छ । यसमा हेफर प्रोजेक्टको ४७ प्रतिशत र गाउँपालिकाको ५३ प्रतिशत बजेट साझेदारी रहनेछ । अहिलेको नयाँ सम्झौता बमोजिम कार्यक्रम तथा क्रियाकलाप विशेष गरी बजारीकरण र मूल्य शृङ्खलाका सँग सम्बन्धित रहने छ ।

कार्यक्रममा गाउँपालिकाका अध्यक्ष खिम बहादुर थापा र हेफर प्रोजेक्टका कार्यक्रम निर्देशक तीर्थ राज रेग्मी सम्झौता पत्र एक आपसमा साटासाट गरिएको थियो ।