कालीगण्डकीमा बजेट तथा वार्षिक कार्यक्रम समीक्षा सम्पन्न
कालीगण्डकी गाउँपालिकाको आर्थिक वर्ष २०८१/८२ मा सञ्चालन गरेका आयोजना, सेवा प्रवाह, आम्दानी तथा खर्चका सम्बन्धमा एक कार्यक्रम गरी समीक्षा गरेको छ । गाउँपालिकाको सभाहलमा अध्यक्ष खिम बहादुर थापाको अध्यक्षतामा सञ्चालित कार्यक्रममा विभिन्न विषगत २१ वटा शाखा र ७ वटा वडा कार्यालयहरुले गत आर्थिक वर्षमा सञ्चालित कार्यक्रम तथा योजनाहरुको वित्तिय तथा भौतिक प्रगती पेश गरी छलफल तथा पृष्ठपोषण आदन प्रदान गरिएको छ ।
गाउँपालिका अध्यक्ष, उपाध्यक्ष, वडा अध्यक्ष , कार्यपालिकाका सदस्य, प्रमुख प्रशासकीय अधिकृत, वडा सचिव, विषयगत शाखा प्रमुख र अन्य कर्मचारीहरुको उपस्थितमा सञ्चालित कार्यक्रमको समापन गर्दै गाउँपालिकाका अध्यक्ष खिम बहादुर थापाले जनप्रतिनिधि र कर्मचारीले टिम वर्क रुपमा काम गरी अघि बढेमा सफल हुने कुराको जानकारी गराउदै राजश्व संकलनमा जनप्रतिनिधी कर्मचारीहरु सधै क्रियाशिल भएर लागेमा निकट भविष्यमा नै गाउँपालिका आन्तरिक आम्दानीबाट आत्मनिर्भर भई सञ्चालन हुन सक्ने कुरा बताउनुभयो ।
गाउँपालिकाले गत वर्ष १ करोड ११ लाख आन्तरिक राजश्वको अनुमान गरेकोमा १ करोड १४ लाख राजश्व उठाएको छ भने चालु वर्षको लागि १० प्रतिशत वृद्धी गरी अनुमान गरेको जानकारी अध्यक्ष थापाले गराउनुभयो ।
